طريقة نطق الحروف بالصوره للدرس الاول

السلام عليكم

تلقيت طلب عن توضيح نطق الحروف لذلك قمت برفع هذه الصور

   اتمنى تكون الصور وضحتلكم ^^

الدرس الثاني

السلام عليكم

هذا الدرس الثاني من سلسلة تعليم اللغه الكوريه

الدرس عباره عن الحروف الساكنه

الحروف الساكنه تتكون من ١٤ حرف والحروف كثير تتشابه بس شي بسيط يختلف

الدرس يحتاج وقت للتركيز ولحفظ الحروف

وضروري ضروري تكتبون من اليسار لليمين ومن فوق لتحت

هذا شي مره مهم غلط انكم تكتلونها عشوائي

وفيه ملاحظه مهمه 

الملاحظه بخصوص الحرف ㄱ 

لما يكون الحرف بداية الكلمه ينطق (ك) ولما يكون بالوسط او الاخير ينطق (ق)

اي استفسارات اكتبوها بالمدونه ورح ارد عليكم على طول

بالنسبه لشيت التمرين رح ارفعه بالمدونه قريب

تشجيعكم حافز لاستمراريتي لا تنسون السبسكرايب واللايك ياليت معاهم الشير ههههههههههههه

الدرس طويل انا درسته على مدى محاضرتين اسبوعين يالله تكفي انكم تميزون الحروف

لان المرحله الجايه اصعب رح تكون الحروف المتحركه المزدوجه والي بعدها الحروف الساكنه المزدوجه

الاستفسارات ياليت تكون بمكان واحد واهو المدونه عشان اقدر اجاوب عالكل

الدرس مرفوع باليوتيوب

اضغطوا هنا

لمن لديه استفسار حول الدروس

السلام عليكم ورحمة الله وبركاته

لكل الي مهتم ومعزم ان يتعلم اللغه الكوريه

انا رح اساعدكم قد ما اقدر عشان كذا رح اقبل اضافاتكم بالكاكاو او بالهوتميل

عشان تواصلنا يكون بشكل مستمر طبعا من اليوم ورايح رح تنادوني سون سينغ نيم كككك

طريقة كتابتها بالكوري 선생님 لسي بدري ان تقرونها بالكوري ^^ ان شاءالله تصيرون تكتبون اشياء اطول منها بعدين

عشان اخليكم تتفائلون انا كنت اخذ الماده يوم واحد بالاسبوع وكنت ادرس بالبيت من حبي لها

فقدرت اكتب واقرا خلال شهر واحد بس وانتوا بعد بتسوونها

الـ ID تبعي بالكاكو هو elffansclup

اما الايميل الي انا ٢٤ ساعه اونلاين فيه هو lamo0o_2007@hotmail.com

والتوتر @Lama__91

ارحب بجميع استفساراتكم

الدرس الاول الحروف المتحركه

السلام عليكم

بالبداية حبيت اعرف بنفسي انا ادرس لغه كوريه وبالمستوي الثاني الحين

رح انزل لكم نفس الدروس الي كنت اخذها بالمستوى الاول ولكن باللغه العربيه ومن مجهودي الشخصي

ما احلل احد ينسخ الدروس بدون ذكر مصدر مدونتي ووضع الرابط لها

هذا الدرس الاول من سلسلة دروس تعلم اللغه الكورية

وهو الحروف المتحركه

الحروف المتحركه تتكون من ١٠ حروف اساسيه وفي الحروف

المزدوجه رح نتطرق لها بالدروس القادمه

الدرس الاول عاليوتيوب *الرجاء الضغط هنا*

الواجب

الواجب لكم انتم وحله عائد عليكم للي حاب يستفيد لكن

من الضروري انكم تحلونه انا احطلكم نفس الواجبات الي كنت اخذها

الواجب عباره عن مجرد تكرار للحروف ومثل الي كتبته لكم بالفيديو من اليسار لليمين ومن فوق لتحت

راجعوا الفيديو قبل تحلونه * الافضل انكم تطبعون الصوره ^^

واذا شديتوا على انفسكم بعد الدرس الرابع ان شاءالله بتقدرون تقرون و تكتبون كوري باذن الله

.....

انتهى الدرس الي يبيني اتابع معاه واجباته واصحح له اخطائة او الي عنده اي سؤال لاحد يتردد ^^